اكتب إسم شاعر و اللي بعدك يجيب له قصيده

[قلم مجنون]

http://www.9ii6-up.com/images/b5uuuo2lqc7jrixkfba3.gif


السلام عليكم ورحمة الله وبركاته

أحــبـتـي ..

لكل محب للشعر ,,,

لكل متذوق لبحور الشعر الرائعه ,,,

لكل من يترنم على روائع الكلمات
التي تنبع من قلب شاعر ,,,

لمحبي الشعراء ومعجبيهم ,,,

هنا نحقق التنوع إرضاء الأذواق ...

تنوع الشعراء وبحور شعرهم ...

مهما اختلفوا وتفننوا ...

فقط تطلب من العضو اللي بعدك
يطرح قصيده للشاعر الذي تريده أنت

وطبعا أنا من سيبدأ
مع تمنياتي أن تنال الفكره
على إعجابكم و تفاعلكم

نبدأ

اللي بعدي

أريد قصيده

للشاعر

عبد الرحمن بن مساعد
..
..
قلم مجنون

[وردة الجنوب]

http://www.6rb.com/img/singers_image/larg/



(( عبدالرحمن بن مساعد ..... سيـــــد جـــــروحي ,,,







يعطيك الف عافيه على الفكره الرائعه


مشكور

دمت ودام قلمكـ ....





(( اللي بعدي .... فطيس المري ...

[النمرر]

بن فطيس ـــــــ اي والله اهوجس وماني بمرتاح

يعطيك الف عافيه اخي على الطرح

الشاعر ناصر الفراعنه

[قلم مجنون]

ناصر الفر اعنه
غروا نطحني يجر الغي ويل امه
مثل امي انه عذاب الروح مثل امي

عليه لبسني ابليس الهوى عمة
وابليس من قبل خالي وابن عمي

يا ليت من هو تلين في طرف كمه
اليا تمدد طرف كمه على كمي

غرو ذبحني وانا من لحمه ودمه
وش بقى للي ما هو بمن لحمي ودمي

لا جيت اخمه وقلت الخمه الخمه
قال ابتعد يا ولد بدري على خمي

ما يدري انه خبر إن مرفوع بالضمه
يا حلو حلو الخبر مرفوع بالضمي

يوم انكشف لي نحره وبانت الزمه
قامت شياطين بقعاء تزمني زمي

يا عين شيهانة في عالي القمه
قمت بريش وريش البرق ما قمي

لو في بريقعه رحمة كاشف الغمة
ما كان زود سواد بريقعه غمي

الزين اليا جاء لزين تمه
والله لولاه حسن البيض ما تمي

زين عليه تغير وانعسر صمه
نسى ثلاثة ليال عسرها صمي

ومن صار لي في الرخاء عبد وأنا عمه
لا جاء القسى صرت له عبد وهو عمي

سقى الله يوم انا دلو وهو جمه
ما قد سقى كبدي الا صافي الجمي

يا لعنبوه ان مدحته كني اذمه
وغيره تمناني اقصد به ولو ذمي

مدري على اسم القمر سموه يا يمه
والا على اسم الفضى وجه القمر سمي
..
..
اللي بعدي
نواف بن فيصل
..
..
قلم مجنون

[وردة الجنوب]

(( نـــــــواف بن فيصـــــل ,,,,


تفنن في طروق الحب شرقني وغربني

معك يازين دوخات الهوى وياحلو مشواره

وغرد في سما سمعي أبي تحكي وتطربني

سواليفك مطر عمري ربيعي ضحكه أزهاره

حبيبي يابعد كلي وكلك صدق تعجبني

بغيباتك وصداتك وتلويعك وتكراره

تجنن كل مااشوفك احس انك تعذبني

وتضيعني من الدنيا تشب بخافقي ناره

جمالك ناهب قلبي وتفكيري وناهبني

ودلالك يارقيق العود عود تعزف اوتاره

كتبتك نبض في شعري دخيل الله تكتبني

حبيب في مواعيد الغرام ارضاه بزياره

تولعت بتصانيفك وتعذيبك يولعني

وعلى ايه حال راضيبك شمس العمر وانواره






اللي بعدي ...


( عبدالله السميـــــري ,,

[قلم مجنون]

(عبدالله السميري)
يامعذب الاحباب ياغايب متـى وقـت الوصـول
انا على نـار انتظـر رجعتـك لوطـال الغيـاب
ياهمي الـي لـو يـزول العمـر كلـه مايـزول
ياقرب من الي في يدي وابعد علي من السحـاب
ياصيف عمري ياربيع العمـر ياغلـى الفصـول
يافرحتـي ياسلـوت الايـام يانـواع الـعـذاب
يابحر جده ياشفا الطايف ياحايـل ويـش اقـول
ياتراث مكه ياحضـارت نجـد يابهـا والضبـاب
يانغمت الاوتـار ياعـزف الموسيقـى والطبـول
ياظحكـت الاحبـاب مابيـن التغلـي والعتـاب
ياعنفـوان الخيـل ياوقفـات ماضيـن الفعـول
يانشـوت الكسبـان ياعـزت عزيزيـن الجنـاب
ياضحكة الاطفال يانظرات في الطـرف الخجـول
ياهيبت السلطان ياقـدر اللحـى حـق الرقـاب
ياحكمت العاقـل ياعطـف الام يامعنـى القبـول
يالذت الماء في ظماء الظميان ياعذب الشـراب
يامعجـم الاخـلاق يافهـرس تعاليـم الاصـول
ياروعـة الابـداع يابـنـك المـبـادي والاداب
فديت عمرك يابعد عمري جعـل عمـرك يطـول
احسب احساب الي حسب لاحساب حسبتنا حساب
بجاه رب ام القرى والقـدس وبجـاه الرسـول
انا مصاب اوجبـك يلزمـك بسعـاف المصـاب
صبرت حول وحال حول الحول واستقبلـت حـول
وانا انتظرك تذوب في قلبـي وقلبـي فيـك ذاب
وجيتك وانا كلي غلا جيتـك وانـا كلـي ميـول
النفس لارظاك احظرت والقلب لارظاك استجـاب
وعجزت ياصعب طلوع اسالـك ياصعـب نـزول
تصمت ولاحكي لك سوال اصمت ولاتحكي جواب
عزلتني عن عالم(ن) ماكنت انـا عنـه معـزول
اطرد وراك العمر كلـه كنـي اطردلـي سـراب
سمعت قولي وانت قلي ودي اسمع ويش تقـول
انا طرحت الـك السـوال ومنتظـر رد الجـواب
..
..
اللي بعدي
محمد جارالله السهلي
..
..
قلم مجنون

[غالية الاثمان]

يـــــــــــــــــــــــــــا الـــــــــغـــــــــايــــــــــب الــــــــــــــلــــــــــــــي غــــــــــــــابــــــــــــــت ســـــــنـــــــيـــــــنـــــــي مــــــــــــــعــــــــــــــاك
يــــــــــــــــــــــــا جــــــــــــعــــــــــــل مـــــــــــــــــــــــــا جــــــــــــانـــــــــــــي مـــــــــــــــــــــــــن الــــــــفــــــــرقـــــــــا يــــــــجــــــــيـــــــــك
اســــــــــتـــــــــــغـــــــــــفـــــــــــر الله !! جـــــــــــــــــــــعــــــــــــــــــــــل مــــــــــــــاجــــــــــــــانـــــــــــــــي فـــــــــــــــــــــــــــــــــــــــــــداك
حــــــــــــــــتـــــــــــــــــى لـــــــــــــــــــــــــــــــــو ان نــــــــهــــــــايــــــــتـــــــــي .. عــــــــــــــــلـــــــــــــــــى يـــــــــــديـــــــــــيــــــــــــك!
مــــــــســــــــامـــــــــحـــــــــك .. والـــــــــــــــــلــــــــــــــــــي بـــــــــــقــــــــــــولــــــــــــه فـــــــــــــــــــــــــــــــــــي قـــــــــــــــــفــــــــــــــــــاك
خــــــــــــــــــــــيــــــــــــــــــــــرك كــــــــــــــثـــــــــــــــيـــــــــــــــر .. ويــــــــــــــــــــــرحـــــــــــــــــــــــم الله والــــــــــــــــــــــديـــــــــــــــــــــــ ك
مــــــــــــــــاصــــــــــــــــار شــــــــــــــــــــــــــــــــي ابــــــــــــــــــــــــــــــــلا رضــــــــــــــــــــــــــــــــاي الا رضـــــــــــــــــــــــــــــــــاك
الـــــــــــــــلـــــــــــــــي مـــــــــــــــاهـــــــــــــــو فــــــــــيــــــــــنــــــــــي وابـــــــــــــــيـــــــــــــــه الـــــــــــــــقـــــــــــــــاه فـــــــــــــــيــــــــــــــــك!
كـــــــــــــنــــــــــــــت الـــــــــســـــــــمـــــــــا فـــــــــــــــــــــــــــي عـــــــــيـــــــــنـــــــــي وعـــــــــيـــــــــنــــــــــي ســــــــــــــمــــــــــــــاك
كـــــــــــــــــــانــــــــــــــــــــت حـــــــــــــيـــــــــــــاتـــــــــــــي كـــــــــــــلـــــــــــــهـــــــــــــا مـــــــــــــــــــنــــــــــــــــــــك والـــــــــــــــــــيــــــــــــــــــــك
كــــــــــــــنــــــــــــــت بـــــــيـــــــديـــــــنـــــــي مــــــــــــــيــــــــــــــر مـــــــــــــــــــــــــــــدري مـــــــــــــــــــــــــــــن خـــــــــــــــــــــــــــــذاك
حــــــــــســـــــــــبـــــــــــي عــــــــــــــــلــــــــــــــــى تــــــــقــــــــصــــــــيــــــــري وحــــــــــســـــــــــبـــــــــــي عـــــــــــلـــــــــــيـــــــــــك
عــــــــلـــــــــمـــــــــتـــــــــنـــــــــي .. وش الــــــــــــــحـــــــــــــــيـــــــــــــــاه مــــــــــــــــــــــــــــــــــــــــــــن الــــــــــــــــــــــهــــــــــــــــــــــلاك
فـــــــــــــــــــــــــــــي مــــــــــــــوادعـــــــــــــــك هـــــــــــــــــــــــــــــذا وفــــــــــــــــــــــــــــــي جــــــــــيّــــــــــتــــــــــك ذيــــــــــــــــــــــــــــــك
يـــــــــــاكـــــــــــيـــــــــــف ابـــــــــــلـــــــــــقـــــــــــى شــــــــــــــــخـــــــــــــــــص يـــــــــــســـــــــــوانـــــــــــي ســـــــــــــــــــــــــــــــــواك
كــــــــــــــــــــــــل مــــــــانــــــــويـــــــــت انــــــــهــــــــيـــــــــك فـــــــــــــــــــــــــي شــــــــــــخـــــــــــــص ابــــــــتــــــــديـــــــــك!
أبــــــــــــــــــــــــــــــــــــــــــــــــ ـدى أقــــــــــــــــــــــــــــــــــــــــــــــــ ــارن مــــــــــــــــســـــــــــــــــتــــــــــــــ ـــواه بــــــــــــمــــــــــــســـــــــــــتـــــــــ ــــواك
واخــــــــــــــــــــــــــــــــــــــــــــــا ف لاتـــــــــــــــــــــــزعــــــــــــــــــــــ ـل وابـــــــــــــــيـــــــــــــــعـــــــــــــــ ـه واشـــــــــــــــتــــــــــــــــريـــــــــــــ ـــك
والـــــــــمـــــــــشـــــــــكـــــــــلـــــــ ـــه : رغــــــــــــــــــــــــــــــــــــــــــــــم مـــــــــــحـــــــــــبــــــــــــتــــــــــــ ك وغـــــــــــــــــــــــــــــــــــــــــــــــل اك
وانــــــــــــــــــــــــــــــي رغــــــــــــــــــــــــــــــم كــــــــــــــــــــــــــــــل شــــــــــــــــــــــــــــــيّ مــــــــــشــــــــــتــــــــــاق وابـــــــــــــــيـــــــــــــــك
مــــــــــــــــــــــــــــا هــــــــــــــــــــــــــــوب مــــــــــــــــــــــــــــن حــــــــــــــقــــــــــــــي يـــــضـــــايــــــقــــــنــــــي جــــــــــــــفـــــــــــــــاك
ولااعـــــــــــــــــــشــــــــــــــــــــقــــ ــــــــــــــــك ولاالــــــــــــــــــــمــــــــــــــــــــحـــ ـــــــــــــــــك ولااحــــــــــــــــــــتــــــــــــــــــــريــ ــــــــــــــــــك!!
لــــــــــــــــــكــــــــــــــــــن مـــــــــــــــــــــــــــــــــــــا يـــــــــخـــــــــفـــــــــانــــــــــي ولا اظـــــــــــــــــــــــــــــــــــــن يــــــــــــخــــــــــــفـــــــــــــاك
حـــــــــــــــــقــــــــــــــــــي عـــــــــــلــــــــــــيــــــــــــك .. انّـــــــــــــــــــــــــــــــــــك تـــــــــطـــــــــمـــــــــنّـــــــــي عــــــــــــلــــــــــــيــــــــــــك

اللي بعدي
سعد علوش

[قلم مجنون]

قصيــــدة ((صوت بن السبيل ))

لا تقيس الدين بالعقل يا عقلي.. ونام
فيه غيبيات أأمن بها.. بلا مقوت

لأن ايمانك بها.. يعني انك في سلام
من غضب ربي وسخطه وتخريب البيوت

لا تفكر في مسائل نتايجها اثام
يكفي ان الوقت ملبسني من الاثم.. كوت

آثم بس اعرف ويش تالية الغرام
بين شيخان العقيدة وشيخان البشوت

تالية حب الطرفين ضيعه وانقسام
تنعكس على من يدور لمضناه قوت

السكوت يزين لا صار من حولك كلام
بس ما هو زين لا صار من حولك سكوت

ويش اقول؟ اقول يالله جعلهم للعدام؟
لا.. بقول انا اتمنى قبل عمري يفوت

وذي اني ما تعداك يالبيت الحرام
وودي ان اعيش فيك العمر كله واموت

الله اكبر لا اذن المذن وكبر الامام
واصبحوا زاكين الانفاس من خلفه صنوت

وابتدأ يرتل ونظم بترتيله زحام
وانتهى من ركعته وابتدأ يدعو.. قنوت

الله الله الله الله على شعور الوئام
جعل صوت ابن سبيل بعد مليون صوت

يجعل بيوت الشياطين في عقلي حطام
كن صوته ينتشلني معه من بطن حوت

لا سمعته.. يصغر الكون فعيوني.. وأنام
وأمن اني مؤمن ابما يقول.. بلا مقوت
..
..
اللي بعدي
حامد زيد
..
..
قلم مجنون

[وردة الجنوب]

(( حـــــــامد زيــــــد ...




{ أهل الجنوب }


واعيني اللي كل ما ذعذع من الغربي هبوب
يحلا لها لون الغروب اللي يذوب قبالها

وياويل حالي كل مايحلا لها لون الغروب
تطري لي الريم اللعوب وسالفة ترحالها

وياجرِِّ قلبي كل ماتطري لي الريم اللعوب
حرمت أمد ايدي على حاجه وأنا ماأقوى لها

من سافرت ريم الغلا صدّيت عن كل الدروب
ماهو قصورٍ بالعذارى ، بس ذيك لحالها

من فارقتني ماخطف قلبي من الحور محَبوب
ولا لقيت الجادل اللي تستحق أحيا لها

لأن القلوب إن ماوفَت لأحبابها ماهي قلوب
والعشره اللي ماترد الروح ما نسعى لها

أما الوفاء اللي يستر الرجال من كل العيوب
والا الجفاء اللي يستر عيوب العرب فرجالها

ماأقسى من فراق الجنوب إلا فراق أهل الجنوب
ويلي على اللي كل ماتزعل تشد رحالها

اللي مذيَرها العتب .. لا شبَت بصدري شبوب
عيَيت أراضيها وهي عيت تطوّل بالها

كانت معي مثل النصيب يحدّني من كل صوب
كانت دروبي من متاهات الضلل .. لظلالها

كانت هروبي لاشعرت أني بحاجة للهروب
كانت سماي اللي ليا ضاقت عليّ ألجا .. لها

ليه اتحّداني وأنا في كل الأحوال مغلوب؟
ليه احرمتني من قهر عذالي وعذالها

ليه اتجاهلني وانا ماني جبان ولا كذوب
ليه ارخصت دمعي وأنا اللي ما بكيت إلا لها

ماترحم اللي له سنه كنّه على النار محطوب
ماهزها دمع الفقيد اللي بكته اطلالها

ماخافت تهدم السنين اللي بنتنا طوب طوب
مافكرت تشفق على حالي وترحم حالها

قولوا لها لو ماتذوب أنا بخليها تذوب
قولوا لها لو ماعنت لي مستعد اعنالها

اليا ادمحت لي هالخطا بدمح لها كل الذنوب
وإن جابت الحسنه معي تبشر بعشر أمثالها

افرش لها صدري وطن واجمع من ضلوعي شعوب
وارقى لها مكانة محدٍ قدر يرقى لها

إن كانّي مخطي فأنا ماني خليّ من العيوب
الذنب يغفر والبشر تجزا بقدر اعمالها

البعد قاسي والفراق يضيّق الصدر الرحوب
وأنا تعبت أدوّر الحيله وارد احتالها

قولوا لها ترجع ترى ماني على البعد مغصوب
وإلا ترى نذرٍ عليّ أنه ماهوب اشوالها

أما تجنب هالهبال وتترك البعد وتتوب
وإلا بتبشر بالهبال اللي ماهوب اهبالها

كافي زعل ترى الظروف مقفّله من كل صوب
وأنا حملت من الهموم أنواعها وأشكالها

يكفيني إني كل ماهبت على صدري هبوب
تحنّ عيني للجنوب وتلتفت بلحالها

والمشكله إني كل ما حنّت عيوني للجنوب
تطري لي الريم اللعوب وسالفة ترحالها

ماصعب من فراق الجنوب الا فراق اهل الجنوب





(( اللي بعـــــدي ... تركــــي الميـــــزاني ,,,

[قلم مجنون]

..قصيدة ماني مجازيك

ماني مجازيك في صدك وهجرانك

ودعتك الله وتلقى واحد ثاني

اتعبت الاعيان والاقدام من شانك

وانته ولا شي سويته على شاني

فزيتلك يوم قلت اسمك وعنوانك

لو كان ماتنتمي لاسمي وعنواني

ماجيت ادورك والا اطق بيبانك

والا اترجاك مثل فلان وفلاني

انت الذي جيتني واعلنت بلسانك

انك على شوفتي جايع وعطشاني

وصدقت هرجك ومنطوقك من لسانك

واقبلتلك مندفع من كل وجداني

ماكنت افكر يجي في يوم نسيانك

وانساك وانته معاهدني ماتنساني

الابعد ماقريت الكذب فاعيانك

حاولت اواعدك وانسى كل ماكاني

خلاص ماني بمتعني على شانك

ودعتك الله وتلقى واحد ثاني
..


..
اللي بعدي
فهد المساعد
..
..
قلم مجنون

[غالية الاثمان]

مـن عـز نـومـي صـحـيـت وشـفـت فـي عـيـنـي
دمـع تـهـادى عـلى جـفـنـي وأنـا غـافـي
سـتـرت دمـعـي بـكـمـي قـبـل يـغـريـنـي
وأخـذت هـذا الـجـسـد مـن بـاقـي لـحـافـي
وسـريت تـايـه ورى خـطـوات رجـليـنــي
لا الوجـه وجـهي ولا أوصافي هي أوصـافي
أمـشـي وأقـول لـطـريـقـي لاتـوديـنـي
لـعـيـون نـاس تـبـي تـدري عـن الـخـافـي
أمـانـتك .. خـلـها مـابـيـنك وبـيـنـي
خـابـرك يـالـدرب خـوة عـمــر وسـنــادي
مـاودي الـنـاس تـدري وش يـبـكـيـنـي
كـرامـة الـنـفـس ورث أبـوي وأســـلافــي
أمـشـي وأحـس الـخـنـاجـر فـي شـرايـيـنـي
والـبـرد يـمـشـي وراي ويـنـهـش أطـرافـي
وحـيـد والـلـيـل بـردونـه يـغـطـيـنـي
تـقـول كـن الـبـلد روح بـهـا الـســافــي
إلـيـن مـاأوحـيـت لـي صـوت يـنـاديـنـي
صـوت أعـرفـه مـثـل ما أجـهـل وش خـلافـي
قـمـت أتـلـفـت وأنـادي ... لاتـخـلـيـنـي
مـاغـيـره الـصـوت .. هـذا صـوتـه الـدافــي
ولـمـحـت زولـه مـن أقـصـى الـدرب لافـيـنـي
مـدري وش أقـول لـكـن حـي هـا الـلافــي
تـعـال .. شـف غـيـبـتـك كـيـف أثـرت فـيـنـي
تـعـال .. شـفـنـي وأنـا أغـرق عـقـب مـجـدافـي
تـعـال.. خـذنـي ورحـبـي مـن عـنـاويـنـي
تـعـبـت أعـدي عـلى جـمـرك وأنـا حـافـي
تـعـال وإقـطـف بـصـوتـك زهـرة سـنـيـنـي
كـل الـمـواعـيـد عـقـبـك شـمـعـهـا طـافـي
تـعـال وإزرع خـصـل شـعـرك بـكـفـيـنـي
بـضـمـهـا لـيـن أحـس بـلـيـلـك الـظـافــي
تـعـال وش فـيـك خـايـف ؟ أنـت نـاسـيـنـي ؟
قـطـعـت صـوتـي عـلـيـك وطـال مـيـقـافـي
حـتـى بـديــت أشـعـر إن الـحـب مـعـمـيـنـي
وإن أنـت حـلـم عـثـى فـيـنـي وأنـا غـافـي
لـكـن أمـانـه تـرى الـلـي فـيني كـافـيـنـي
إن رحـت مـنـك كـذا مـارحـت مـتـعـافـي
بـصـّدق الـحـلم وأحـذر لا تـصـحـيـنـي
فـي خـاطـري كـلمـتـيـن وإن قـلـتـهـا كـافـي
أمـانـة الـلـه عـلـيـك إن غـبـت عـن عـيـنـي
لا يـكـون قـلـبـك مـثـل قـلـب الـزمـن جـافــي
مـع كـل دمـعـه تـذكـر رعـشـة يـدينـي
ومـع كـل ضـحـكـه تـذكـر قـلـبـي الـوافـي


اللي بعدي

خالد المريخي

[وردة الجنوب]

(( خــــــالد المريخــــي ... يــــاشيخـــــة البيض ,,,





ياشيخة البيض وصفك ما يبيله قصيد

هالزين مهما وصفته اعتبر ظالمه

غصبن على الوصف لا جا صوب وصفك يبيد

وانا الصراحة اعذره ماني لايمه

كل ما اشوفك احس الزين عنده رصيد

وضعه يطمن مادامك بأول القائمة

وكل ما أقرب الوجه أصفق أيد بأيد

وأقول : كيف انرسم سبحان من راسمه

ان كان تبغين شوري خلي راسك عنيد

وزيادتك بالتواضع مالها لازمة

ولا قالوا الناس حلوة .. قولي ايش الجديد ؟

لا تفرحي .. قولي : أدري روسكم سالمة

بقولك كلمتين وبأختصار شديد

إن كان للزين ديرة فأنتي العاصمة



اللي بعــــــدي .... ( الشـــــاعر .. طـــــلال الرشيد .. رحمه الله .

[داايم االشـوق]

http://farm1.static.flickr.com/227/495849343_73dc25a641.jpg

((آخر الحب))

كنت احسب اني عرفت الحب قبل اعرفك
وعشقت قبل اعشقك واشتقت قبل التقيـك

وكنت احسب اني لقيت احباب قبل اوصلك
واثري توهمت في غيرك وانا كنت ابيـك

تعال نعطـش وتشربنـي وانـا اشربـك
تعال قبل الوعد اجلـس معـي نحتريـك

تعال شفنـي وانـا استنـاك كـم اشبهـك
يطري علي الف راي و راي واحتار فيك

اجي مكان الوعـد والا اسبقـه انطـرك
والا آخذ الموعد اللـي يحتريـك واجيـك

يا آخر الحب ذقـت الحـب فـي اولـك
ويا اول الشوق اقصى الشوق ما ينتهيـك

علمتني كيف اعرفك لين صـرت اجهلـك
ضيعتني فـي متاهاتـك وكنـت ارتجيـك

حبيـب الاحـلام يابـعـدك ويامقـربـك
حـرام يكفـي تبعثرنـي وانـا احتويـك

ان شفتك بحلـم صدقتـه وانـا اتوهمـك
وان شفتـك بعلـم كذبتـه اليـن انتشيـك

اخاف اغمض عيوني وان رمشت افقـدك
واخاف افتح وتصبـح حلـم ولا التقيـك


اللي بعدي الشاعر المبدع سالم سيار

[الغـــــ روح ـــــلا]

يبه شلونك






يبة شلونك ..
أبي أتبلل بصوتك .. انا وخالد نبي نتبلل بصوتك ..

ياغيمه ظللت عمري ويمشي ظلالها وياك..

يبه.. لا تغيب عن عيني ... وش تسوى حياتي لو تغيب عني وش تسوى...

مو صح الكون يتفجر .. ولون الحنا في كفي يصير أصفر

يبه ...
يبه ... لا تجفف شفاهي من احلى كلمه بالدنيا

يبه ...

يبه .. ماقلت لك وش صار ..!!

يبه .. بنت صفي منيرة ...!!

ابوها مات في حادث..

تكلمني ترى دايم .. دايم عنه تتكلم...

تقول افز من نومي أحسه بجنبي هو نايم

أحس بجنبي هو نايم

تقول دايم انا ارمي عيوني على الابواب .. اقول يمكن يلملمها باي لعبه من الالعاب..

او ورده و أروح أركض وأخبيها بوسط كتاب

يبه ... عذروبك الشارع تسوق بسرعه مجنونه

يبه .. خلنا على بالك .. يبه طير الفرح لا تكسر غصونه
تجينا ... تجينا.. يعني تجينا على موعد حبايبنا

ابيك تشوف احساسي

ورده بيضاء مغروسه وسط راسي...

وكم نجمه من الابله . تشب بليل كراسي..

وش تسوى حياتي لو تغيب عني وش تسوى ..

مو صح الكون يتفجر .. ولون الحناء في كفي يصير اصفر...


اآلو

اآلو

عفوا منهو وياي ..؟؟

انا خالد..!!

منهو وياي ...؟؟

تعالوا...


تعالوا ... استلموا الجثه


ابوكم

مات ..!!



مات في حادث